Utvaldsundersøking om universell utforming av IKT, 15/00692

Lyhyt kuvaus

Her gir vi ei kortfatta skisse til innhald i oppdraget. Vi viser til kravspesifikasjonen for utfyllande informasjon.

Oppdraget femner om følgjande:

• Gjennomføring av ei spørjeundersøking om universell utforming av IKT med tema:

• Kva type IKT-løysing brukar verksemda i kontakt med publikum og kundar

• Alder på IKT-løysinga (tidspunkt for anskaffing eller vesentleg oppgradering)

• Kjennskap til regelverk/forskrift om universell utforming av IKT

• Kjennskap til Difi som tilsynsorgan og informasjon/rettleiing frå Difi via nettstaden uu.difi.no

• Brukartilfredsheit med informasjon og rettleiing frå Difi

   

  Vidare utdetaljering av innhaldet i undersøkinga og utforming av spørsmål må skje i samarbeid mellom tilbydar som skal levere oppdraget og Difi.

   

• Utvalsundersøking: Vi ser føre oss at undersøkinga vert gjennomført som ei utvalsundersøking blant offentlege og private verksemder som skal etterleve forskrift om universell utforming av IKT( ref. Diskriminerings- og tilgjengelegheitslova, § 14).

   

  Vi ønskjer at omfanget av undersøkinga/storleiken på utvalet vert utforma i dialog med Difi.

  Type verksemder som skal etterleve regelverket (populasjonen) er elles utdjupa i kapittel 3.

   

• Gjennomføring: Det er ønskjeleg å gjennomføre undersøkinga ved hjelp av e-post, ved at det vert sendt ut eit webbasert spørjeskjema. Andre metodar for datafangst kan vurderast, dersom tilbydar vurderer det til å vere meir føremålstenleg.

   

• Analyse og oppfølging: Datamaterialet skal analyserast og gjerast tilgjengeleg for Difi for vidare oppfølging. Vi legg til grunn også her at nærare spesifikasjon av problemstillingar som er interessante for analyse, skjer i dialog med Difi.

   

Undersøkinga vil vere ein oppfølgjar til ei måling Difi fekk utført i 2013 i samband med iverksetjing av forskrifta. Det vil vere interessant for Difi å følgje opp med årlege målingar av kjennskap og brukartilfredsheit framover.