TILBOD PÅ ENTREPRENØRARBEID OG TIMEPRISAR PÅ TILFELDIG MASKINARBEID FOR ÅL KOMMUNE
Ål kommune ynskjer tilbod på entreprenørarbeid i samband med utbetring av nokre kommunale vegar (sjå nedanfor) , og timepris på leige av maskiner og utstyr inklusiv førar, til tilfeldig arbeid og utbetring som ikkje er planlagt, men som kan oppstå ved ras, rørbrot, flaum og liknande, eller mindre utbetringsoppdrag, fram til 1. juni 2016. Den som får oppdraget bør disponere både stor (over 12-15 tonn) og mindre gravemaskin under 12 tonn og kunne utføre oppdrag på kort varsel. Dette er kalla «Tilbod del 1»
Under føresetnad av at kommunen kan få gratis masse til Liagarsvegen, vil vi også be om tilbod på tilkjøyring og utbering av delar av Liagardsvegen. Omfanget av arbeidet vert innanfor vedteken budsjettramme, og er spesifisert som «Tilbod del 2».
For både Del 1 og Del 2 er det krav om godkjenning i «Tiltaksklasse 2».
Det er høve til å gi tilbod på Del 1 eller Del 2 eller begge delane samla. Dei vil bli vurdert kvar for seg.
TILBOD del 1: Utbetring av bustadvegar i Granhagen og Vestlia.
Arbeidet består av masseutskifting og forsterkning av delar av fylgjande kommunale vegar:
- Plettevegen,
- Nedre Thoreplassveg,
- Hallebråtvegen,
- Asgrimplassvegen
- Kittilsvegen.
Arbeidet går ut på å skifte ut deler av vegkroppen med kult og bærelag, til saman omfattar dette
ca. 825 løpemeter veg, og utskifting av ca. 1625 m3 masse. Alle vegane må være klare til asfatering
seinast 25. september 2015.
Dette tilbodet skal også omfatte leige av maskiner og utstyr til arbeid ved vasslekkasjar, opprydding etter flaumskadar, rehabiliteringsarbeid, samt andre mindre arbeid som ikkje er planlagt på førehand.
I vedlagt prisskjema skal dette prisast under «Maskintimeprisar på tilfeldig arbeid».
TILBOD del 2: Liagardsvegen
Dersom nokon av entreprenørane har tilgang til eigne «gratis» massar ynskjer vi tilbod på fortsetting av utbetringa/utvidinga av Liagardsvegen.
Neste steg av arbeidet består i utbetring av krysset Liagarsvegen, Oppsatavegen og ca. 120 meter av Liagardsvegen nedanfor krysset og ca. 80 meter ovanfor. Eit grovt overslag syner at det vil mangle ca. 3500 m3 med masse for å få gjort denne jobben.
For begge tilboda der det er krav om godkjende / deklarerte masser, skal desse leverast frå
Oddvar Øygard AS med avrop på den rammeavtala kommunen allereie har.