Lyhyt kuvaus
Skyss er Vestland fylkeskommune si administrasjonseining som planlegg, kjøper og marknadsfører dei kollektivtransporttenester som Vestland fylkeskommune har ansvar for.
Skyss tildeler kontraktar for køyring av buss, bybane, båt og ferjer i Vestland til operatørselskap etter anbodskonkurransar. I tillegg er Skyss sine oppgåver ruteplanlegging, utvikling av billettsystem, informasjon og marknadsføring av kollektivtilbodet.
Skyss inviterer med dette til deltakelse i konkurransen "Bussanbod 2026" for kontraktsområda Sunnfjord, Sogn og Sunnhordland. Føremålet med anskaffinga er inngå kontrakt med operatørselskap for drift av buss- og transporttenester, der vinnande operatør får ansvaret for å gjennomføre Ruteproduksjon med buss, Individuelt tilrettelagt skuleskyss og Bestillingstransport (Digital fleksibel bestillingstransport, Serviceskyss, Trygt Heim).
Det vil bli inngått tre separate bruttokontraktar, eitt for kvart kontraktsområde.
Kontraktane gjeld frå og med dato for signering til og med oppstart av sommarruter (perioden 20.–30.juni) 2035. Eksakt utløpsdato innanfor denne tidsperioden vil bli oppgitt frå Oppdragsgjevar seinast 12 månader før kontraktsslutt. Kontraktane har oppstart på følgjande tidspunkt:
Sunnfjord: 24.06.2026
Sogn: 23.06.2026
Sunnhordland: 29.06.2026
Oppdragsgjevar skal ha opsjon på å forlenge Oppdraget med 1+1+1 år.
Estimert årleg kontraktsverdi for kontraktsområde Sunnfjord: 230-250MNOK (ordinær kontraktsperiode)
Estimert årleg kontraktsverdi for kontraktsområde Sogn: 100-110 MNOK (ordinær kontraktsperiode)
Estimert årleg kontraktsverdi for kontraktsområde Sunnhordland: 130-150 MNOK (ordinær kontraktsperiode)
Estimata inkluderer full mogeleg bonusutbetaling. Estimata inkluderer ikkje vederlag for Individuelt tilrettelagt skuleskyss.