Direktoratet for økonomistyring (DFØ) skal halde ein heildagskonferanse i høve Styringskonferansen 2016. Heildagskonferansen skal vere i Oslo, og lokala skal vere i gåavstand frå Oslo sentrum.
Konferanselokalet må kunne ta imot minst 700 deltakarar samtidig i ein plenumssal. Vi ønsker fortrinnsvis skoleoppsett i plenumssalen. Heildagskonferansen vil berre ha plenumssesjonar – truleg mellom åtte og tolv innslag av varierande lengd og innhald. Det må vere plass til eitt sett med standar utanfor plenumssalen – truleg mellom fem og sju standar. Straum må vere tilgjengeleg for alle standane.
Følgende datoar er aktuelle for gjennomføringen av konferansen:
•19. januar 2016
•20. januar 2016
•21. januar 2016
•22. januar 2016
•25. januar 2016
•26. januar 2016
Konferansen vil vare frå klokka 08.00 til klokka 20.00. Det vil vere nødvendig med rigging og hjelp til rigging på dagtid ein dag før konferansen, eller eventuelt om ettermiddagen, frå klokka 16.00 til klokka 21.00, og nedrigging frå ca. klokka 18.00–20.00 på arrangementsdagen. Nok mannskap til å rigge stolar, bord, standar, innsjekking o.a. må vere tilgjengeleg.
Profesjonelt personell og utstyr for lyd og bilete, inkludert opplegg for filming, må vere tilgjengeleg under rigginga og under sjølve konferansen.
Vi ønskjer at design av lokale med blomar, TV-skjermar for å vise løpande presentasjonar med meir skal vere inkludert.
Servering: kaffi, te og vatn til pausar, frukt om morgonen, lunsj til alle deltakarar, snittar/rundstykke tidleg på ettermiddagen og ståande buffet med fingermat til om lag 500 deltakarar på sein ettermiddag.
Vi ønskjer òg hjelp knytt til gjennomføring av lyd-/biletdrift under konferansen og ei oversikt over miljøprofilen til leverandøren.