Hareid kommune har vedtatt at det skal byggjast nytt helsehus i kommunen. Ein syner til vedtak i kommunestyret, sist den 26.10.2017 og 19.12.2017.
Med dette som grunnlag inviterer kommunen til «dialogmøte» med private interesser som ynskjer å gi innspel til kommunen på det vidare arbeidet med å utarbeide konkurransegrunnlag for helsehuset. Ein ynskjer spesielt innspel på korleis helsehuset best kan utviklast i eit samarbeid mellom kommunal og private eigarinteresser, der byggherreansvaret skal liggje på den private aktøren og kommunen skal eige sin del av bygget. På dette grunnlag vil kommunen på sjølvstendig grunnlag utarbeide eit konkurransegrunnlag som vert lyst ut på open konkurranse.
Ein ber interessentar sende skriftleg påmelding til postmottak@hareid.kommune.no innan onsdag den 3. januar 2018. Meir informasjon kan ein få ved å kontakte ordførar Anders Riise, tlf. 99509355, e-post anders.riise@hareid.kommune.no