Vindkraftforum Sogn og Fjordane er ein frittståande og sjølvstendig interesseorganisasjon som har som overordna mål å sikre utbygging og drift av vindkraft onshore og offshore i Sogn og Fjordane, med størst mogeleg tilhøyrande verdiskaping i vårt fylke.
Sekretariatet skal stå for drifta av organisasjonen mellom anna ved å:
• Arrangere og førebu saker til styremøta og årsmøte
•Førebu årsmelding
•Utarbeide søknader om finansiering til aktuelle prosjekt
•Drifte nettsida og stå for anna informasjonsarbeid
•Informere og halde kontakt med medlemane
•Økonomistyring
Sekretariatet skal førebu og følgje opp gjennomføring av prosjekt sett i gang av styret.
Vi ser etter ein person/organisasjon med engasjement for vindkraft med gode leiareigenskaper og strategiske ferdigheiter.
Arbeidsmengda kan variere over tid. Difor er det viktig med fleksibilitet i utøvelse av oppdraget og å vere i stand til å ta "ad hoc"-oppdrag innanfor den avtalte tidsramma.
Det er viktig at sekretariatet er godt oppdatert med det som skjer i bransjen både nasjonalt og internasjonalt og kan ta initiativ overfor styret når viktige ting skjer.
Evner til samarbeid og etablering av og vedlikehald av nettverk saman med gode evner innan formidling og kommunikasjon er viktig.
Det er ein fordel med kjennskap til planarbeid, offentleg forvaltning og forståing for samarbeid med politiske organ.
Noko reiseverksemd må påreknast.