Kort beskrivelse
Kvam herad innbyr interesserte føretak til å gje tilbod på opparbeiding av veg og parkeringsplass ved Kvam rådhus og opparbeiding av veg og tomteareal på Tolo i Norheimsund, Kvam herad.
Kvam herad skal utvida parkeringsplassar og endra køyremønster ved rådhuset i Norheimsund. Det skal utførast arbeid med å ta ut både lausmassar og fjell i terrenget rundt og bak rådhuset. Arbeid i grunnen skal verta underlag for ny veg og parkeringsplass. Fjellskjeringar vert etablert og dei skal sikrast.
Beste del av sprengstein frå utviding ved rådhuset skal nyttast til underlag for framtidig veg og tomter på Tolo i Norheimsund. På Tolo skal ein fjerne lausmassar i vegtrase og tomteareal i regulert vegtrase. (område som er påkravd for å få plass til stein frå rådhuset)
Midlertidige anleggsvegar og transport inngår i arbeidet.
Totalentreprenør skal finna eigna godkjent stad til deponering av lausmassar og sprengstein som ikkje skal nyttast i prosjekta. Deponering og gjenbruk av massar er viktige kriteria for byggherre.
Fullstendig beskriving av arbeidet fylgjer av kravspesifikasjonen.
Prosjektet vert gjennomført som totalentreprise. Prosjektering og utføring av alle arbeider skal utførast etter kravspesifikasjon / funksjonsbeskriving, gjeldande for veg og va normer og gjeldande norske plan og lovverk. Det skal leggast vekt på handverksmessige løysingar, toleranseverdiar og kvalitet iht. NS3420 i alle deler av entreprisen .
Det vil ikkje vera mogleg å gje tilbod på berre deler av oppdraget.