Denne konkurransa har vore lyst ut tidlegare, og vart då avlyst grunna oppdragsgjevar sine spesifikasjonar i forhold til kvalifisering. Konkurransa vert no lyst ut på ny.
På vegne av Bremanger Eigedom AS vert det invitert til konkurranse om kontrakt
om totalentreprise for etablering av via ferrata til toppen av Hornelen (860 moh). Arbeidet skal utførast som ein totalentreprise med planlagt oppstart vår/sommer 2022.
Konkurransa vert gjennomført av Bremanger kommune.
Prosjektet er søknadspliktig etter plan- og bygningslova. iVest Consult AS vil stå som ansvarleg søkar og utarbeide naudsynte søknadsdokument. Utførande firma må søke om og få godkjenning for ansvarsrett.
Arbeidet vil føregå i eit sårbart naturområde. Entreprenøren må generelt forholde seg til lovverk som måtte gjelde og planverk for området. Det blir særleg vist til reguleringsplan for området og lovverk mv. nevnt der.