Kommunane Lom og Skjåk, heretter kalla Oppdragsgjevar, er kommunar i Innlandet fylke. Kommunane har ansvar for å organisere ei klinisk veterinærvakt. Veterinærvakta er eit interkommunalt samarbeid mellom desse to kommunane. Skjåk kommune har det interkommunale ansvaret og skal vere hovudkontakt i kontraktsperioden.
Ordninga med veterinærvakter er etablert i samsvar med til lov 15. juni 2001 nr. 75 om veterinærar og anna dyrehelsepersonell § 3a.
Ordninga med veterinærvakter skal sikre at det i kommunal/interkommunal regi vert etablert klinisk vakt for veterinærar i alle deler av landet slik at nødvendig veterinærhjelp kan skaffast utanom ordinær arbeidstid. Veterinærvakta er ein nødvendig del av beredskapen mot alvorlege smittsame dyresjukdommar og viktig for å oppretthalde god dyrevelferd.