For oppdraget skal det bli inngått rammeavtale med ein leverandør. Rammeavtalen si lengd vil vere 2 år. Oppdragsgjevar skal ha rett til forlenging av rammeavtalen i ytterlegare 2 år/1 + 1 år, til saman maksimalt 4 år.
Denne anskaffinga gjeld kjøp av print- og trykkeritenester for Vestland fylkeskommune (VLFK) sine einingar og nye Sogndal kommune.
Dette inkluderer mellom anna print og/eller trykk av visittkort, brosjyrar, enkle ark, hefter med ryggstifting, hefter med limfres, kursbevis, konvoluttering, spiralinnbinding, laminering, ol.
Verdien av anskaffinga er estimert til 2 MNOK eks mva per år. Det vert understreka at oppgjeven verdi er basert på estimat frå statistikk og opplysningar frå oppdragsgjevar sine noverande leverandørar og eigne økonomidata. Det vert teke atterhald om endringar i volum, mellom anna med bakgrunn i budsjettsituasjonar som påverkar oppdragsgjevar sin aktivitet.
Nærare skildring av leveransen følgjer av Vedlegg A - Kravspesifikasjon.