Revisjonsavtale for Hordaland fylkeskommune går ut 30.06.2017. Kontrollutvalet i fylkeskommunen vil stå for arbeidet med å finne ny revisor og lage innstilling om dette til fylkestinget. Sekretariat for kontrollutvalet skal bistå kontrollutvalet i fylkeskommunen med dette arbeidet.
Etter planen skal fylkestinget gjere vedtak om val av revisor i sitt møte i mars 2017, og revisor starte sitt arbeid 1. juli 2017.
Kontrakten inkluderer eit fastprisoppdrag knytt til finansiell revisjon og tilleggsoppdrag knytt til dette. Kontrakten inkluderer også ein rett for fylkeskommunen til å kjøpe forvaltningsrevisjon, selskapskontroll og andre timebaserte oppdrag, og ein opsjon knytt til rekneskapsrevisjon av vegprosjekt.