Skyss ønskjer å kunne tilby passasjerar som reiser med Skyss sine båtruter reise- og passasjerinformasjon i sanntid, samt å gjere fartøya synlege i regionale og nasjonale sanntidsreisesøk. Slike løysingar nyttast i dag for bussreiser i Vestland fylke. I tillegg er det ønskjeleg å få mest mogeleg data frå operatørs drift automatisk overført til Skyss for betre leveranseoppfølging og tilbodsutvikling.
Skyss har utarbeidd utkast til utstyrskrav og leveransekrav som ein ønskjer å nytte i framtidige båtkontraktar, sjå dei to vedlagte dokumenta (Utdrag frå Kontrakt og Vedlegg 2F). Det kan også bli aktuelt å ta i bruk deler av krava i framtidige ferjekontrakter. Første kontrakt der det vil vere aktuelt for Skyss å ta i bruk desse krava vil vere den nyleg kunngjorde konkurransen for drift av båtrutene mellom Bergen, Nordfjord og Sogn/Flåm.