Kort beskriving av anskaffinga
Tanken med Helsesenteret er å ruste dei kommunale tenestene for framtida. Anten Austevoll kommune vert innlemma som del av ein større kommune, eller vert verande for seg sjølve, så er det naturleg med ein base her på øya for dei tenestene som fortsett vil vere her. I Austevoll blir det lagt vekt på heilskapleg tilnærming og det jobbast mykje på tvers av faggrupper. Ved å bygge nye, gjennomtenkte areal vil dette styrkje samarbeidet. Tanken er ”ei dør inn” for brukarane.
Vi ynskjer oss ein trygg, funksjonell, ergonomisk riktig og triveleg arbeidsplass. ”Endeleg måndag” skal vere slagordet for dei tilsette. Og så ynskjer vi at brukarane våre vil oppleve senteret som oversiktleg, imøtekomande, profesjonell og effektiv, men samtidig triveleg . Ikkje sterilt som eit sjukehus. Det skal vere tilgjengeleg og tilrettelagt for alle, både små og store, og konfidensialitet og tryggleik skal vere ivaretatt. Vi vil dei skal føle seg som kundar, ikkje pasientar. For å kunne i vareta alle må vi ha moglegheit for å skjerma brukarar som av forskjellege årsak kan trenga det, anten dei er høglydt utagerande på grunn av rus eller psykiske plager, eller dei har nedsett immunforsvar på grunn av kreftbehandling, eller er i sjokk og sorg og treng skjermast frå andre av den grunn.