Kinn kommune har vedteke å bygge ein fullskala fotballhall lokalisert ved Lillevatne og sentralidrettsanlegget i Florø. Arbeidet med å få på plass ein fullskala fotballhall har pågått i nokre år.
Vi ønskjer framtidsretta og kreative løysingar for fotballhallen, og vil derfor invitere til eit ope dialogmøte for leverandørar. Målet er stimulere til innovasjon, og å legge til rette for eit meir behovsretta produkt.
Gjennom møte ønskjer Kinn kommune å opprette ein dialog med marknaden tidleg i prosessen for å få gode innspel til arbeidet med å utvikle ein funksjonell kravspesifikasjon, samt for å stimulere leverandørbedriftene til utvikling og innovasjon.