Prosjektet vil konsentrerast til utvikling av Selje Kloster som reisemål og gjere det til ein leiande attraksjon i Nordfjord slik at fleire vil besøke Selje kloster. Selja Kloster skal posisjonere seg som ein spennande og unik attraksjon for kulturbasert turisme der historia, kultur, arkitektur og design skal forsterke naturelementa. Prosjektet vil foregå i to fasar over 18 månadar. I eit forprosjekt over 6 månadar er det behov for å gjere avklaringar for å finne ut kva mulegheiter og utfordringar som er knytt til å utvikle Selje kloster som reisemål. Utvikling og konkretisering av konsept med tilhøyrande aktiviteter må skje i tett samarbeid med involverte aktørar for å sikre god gjennomføringsevne.
Kunnskapen som vert innhenta skal brukast i eit hovudprosjekt der oppgåva vil vere å finne lokale aktørar som kan vidareføre prosjektet og drifte det fram i tid.