Som ei følgje av endringar i skulestrukturen har deler av utstyr og innreiing på Restaurant- og matfagavdelinga blitt avhenda til andre vidaregåande skular i Sogn og Fjordane. Per i dag er deler av kjøkkenet (Kjøkken 1) mot Kåre Roseths plass delvis demontert.
Stryn vidaregåande skule ønskjer å gjere ein del byggtekniske endringar på Kjøkken 1 slik at lokalitetane er meir tenelege og fleksible med tanke på inntening og opplæring. Vi tenkjer oss følgjande aktivitetar i lokala :
A.Kurs og opplæring til eigne elevar og vaksne
B.Interne arrangement
C.Utleige til eksterne aktørar ved ulike arrangement
Som ramme for prosjektet er det utarbeida teikningar og beskrivingar for byggfag, samt funksjonsbeskrivingar for VVS og elektrofag.
Engasjerte rådgjevarar i forprosjektet er fristilt i høve til vidare framdrift.
Entrepriseform: totalentreprise.
Totalentreprenør skal detaljprosjektere og utføre tiltaket.
Brannprosjektering skal leverast av byggherre.