Frivillig kunngjering: Breibandsutbygging i Fresvik

Short description

Vik kommune, heretter oppdragsgjevar, skal starte utbygging av eit framtidsretta breibandnett i Fresvik

Oppdragsgjevar vil her gje eit vederlag for å få utbygd breiband i Fresvik. Dette er såleis ei tenestekonsesjonskontrakt der utbyggar får eit tilskot for å byggja ut breiband og får retten til å drifte og utnytte tenesta (sjå her definisjonen i forskrift til lov om offentlege anskaffingar (FOA) § 4-1, 1. ledd bokstav e).

Tenesteytaren vil bera utgiftene ved å etablere og drifte tenesta. Inntektene sikrast gjennom kommersiell utnytting av tenesta, vanlegvis gjennom sluttbrukar sitt abonnement ved kjøp av tenesta. Tenesteytaren har såleis den kommersielle risiko for etablering og drift av tenesta. Retten til å utnytte tenesta er ikkje ein einerett. Ved at dette er ei tenestekonsesjonskontrakt vil ikkje forskrift til lov om offentlege anskaffingar gjelde, jf. FOA § 1-3, 2. ledd bokstav j).