Elektronisk pasientjournal (EPJ) til tannhelse - Vestland fylkeskommune

Short description

Tannhelsetenesta i Vestland fylkeskommune skal inngå ny kontrakt for pasientjournalsystem. Som nemnt over har vi 55 tannklinikkar, om lag 390.000 registrerte pasientar til ei kvar tid og om lag 650 tilsette. Tannhelsetenesta gir eit tilbod til alle pasientar i dei prioriterte gruppene og til mange som ikkje er i dei prioriterte gruppene etter Lov om tannhelsetjenesten.

Tannhelsetenesta har fått utvida sitt ansvarsområde dei siste åra til også å gjelde alderskohortar frå 19 - 26 år. Journalsystemet må støtte alle myndigheitskrav til journalsystem, det må understøtte alle behov som spring ut frå krav til tenesta. Dette gjeld først og fremst krav til helsejournal, rapportering og dokumentasjon, sikkerheit, lagring av data og naudsynte integrasjonar. Journalsystemet må vere bygd opp og strukturert på ein slik måte at det er intuitivt og lett å ta i bruk, samtidig som det har kompleksitet nok til å dekke behova til tenesta.

For oppdraget skal det bli inngått avtale med ein leverandør.