Statens vegvesen søker interessentar til mottak av sprengstein frå E16 Nærøydalstunnelen. I samband med bygginga av E16 Nærøydalstunnelen, på strekninga Hylland – Slæn i Aurland og Voss, har Statens vegvesen eit stort masseoverskot, som må avhendast. Ein stor del av tunnelen går gjennom anortositt, som kan brukast i ulike anleggs- og industriføremål. Totalt skal det avhendast ca. 700 000 pam3 utsprengt berg frå tunnelen, dvs. alt som SVV ikkje skal nytte sjølv til vegbygginga i begge endar.